Prishtinë 20 qershor- EULEX-i konfirmoi se ka zhvilluar hetime ndaj Përfaqësusit Civil Ndërkombëtar, Pieter Feith.
Hetimet janë bërë nga një prokuror i EULEX-it, pas pohimeve për përfshirjen e Shefit të ICO-së, Peter Faith në zgjedhjen Gani Gergurit si guvernator i Bankës Qendore të Kosovës.
Zëdhënësi i EULEX-it, Blerim Krasniqi ka thënë se Pieter Feith tani nuk është nën hetime, sepse prokurori i EULEX-it ka përfunduar kërkimet dhe nuk ka arritur të gjejë asgjë substanciale për këtë rast.
Konfirmimi erdhi pas shkrimit të sotshëm në Gazetën Express, sipas së cilës EULEX’i ka hetuar veprimet e Pieter Feith me rastin e zgjedhjes së Guvernatorit të Bankës Qëndrore të Kosovës.
Për këtë arsye, Zyra e Përfaqësuesit Civil Ndërkombëtar ka dalë me një sqarim para opinionit ku zëdhënësi i ICO’së, Andy McGuffie, tërthorazi, pranoi se shefi i tij është hetuar nga prokurorë të EULEX’it.
“Përfaqësuesi Civil Ndërkombëtar (ICR) ishte mjaft i befasuar kur dëgjoi për herë të parë për supozimin për një hetim dhe menjëherë kërkoi sqarim nga Shefi i Misionit të EULEX’it dhe zinxhiri i tij komandues si dhe nga autoritetet gjyqësore të Kosovës. Duhet mbajtur në mend se Përfaqësuesi Civil Ndërkombëtar në bazë të Kushtetutës e ka autoritetin për dhënien e pëlqimit për emërimin e Guvernatorit të Bankës Qendrore. Ai e ka ushtruar ketë autoritet duke respektuar plotësisht kuadrin ligjor të Republikës së Kosovës si dhe PGJS’në dhe do të vazhdojë të bëj këtë”, përfundon deklarata e McGuffie.
Gazeta Express ka shkruar të hënën se Pieter Feith është hetuar nga prokurorë të EULEX’it në lidhje me zgjedhjen e Gani Gërgurit në postin e Guvernatorit të Kosovës.
Ky është rasti i parë që një Shef i misionit ndërkombëtar hetohet nga EULEX.
Anëtarësuar
Titulli: EULEX'i konfirmon: Po e hetuam Pieter Feith'in! 
